ГӏалгӀайчен хьунашка цӀера кхерам хинна ха чакхъяьлар
Ара хаоттам дикагӀа хилар а, цӀи ялара кхерам лаьгӏбенна хилар а дӀалоархӀаш, Гӏалгӏай мехка къаьстта дола цӀи ялара кхераме дола хьал чакхдаьннарг лоархӏ. Из хьал юкъедаьккхадар карарча шера ахкан юкъе, из лаьрхӀа дар хьу а, хьунагӀара хьайбаш лорадара, яхаш, дувц «Сердало» газетага ГӏалгӀай Республикан Ӏалама Министерстве.
«Мехка массехказа хьакхайкадаьд цӀи ялара кхерам лакха хилар. Бакъда цу юкъе доккха хатар хинна моттиг нийсъяланзар», - йоах Ӏалама боахамо хьабайтача хоамо.
Из болх дӀахьоча юкъа, цӀи ялара кхерам болаш дола цхьацца хьалаш юхатехадар хьун даькъ тӀа. Цунца дувзаденна дар наьха салоӀам а тӀахьожам а хилар, хьунашка машенаш лоаттаяр, кхы дӀаходар теркама юкъе хилийтар. Цул совгӀа, гӀод тохаш йола моттигаш а дукхагӀа яр, из такхара дола маьхаш а лакхагӀа дар.
Белгалду, ГӏалгӀайчен Ӏалама Министерствон инспектораша даим цига хьал тохкаш болх дӀахьора, юрташта юхе хьун даькъ тӀа цӀи йоагаш моттиг нийслойя, из дӏа йоайора.
ХьалхагӀа ГӏалгӀай Республике гӀолла йолча Россе МЧС ГУ болхлоша, бахархошка сакхетам лакха хилар дехаш, нахаца из болх дӀабихьабар. Ираза, кхы унзара моттиг ца нийслуш, чакхъяьлар кхерамае ха.
