Кагирхошта лаьрхӏа лоархӏаме лекци йийшар Магасе
10.09.2025 11:11
Паччахьалкхен оагӏонца дувзаденнача декхарех дувцаш лекци дӏайихьар Магасе кагирхошца. Вузий, сузий студенташта лаьрхӏа яр из кхетаче. «Сердалога» из хоам бир кагирхой цхьанкхетара Цӏенна кулгалдеча Ведажанаькъан Зоврбика.
«Паччахьалкхен моттигашца дувзаденна дола декхараш доашхаш, тохкаш болх дӏабихьар къонабараша, кагирхой гӏулакхех йолча комитета болхлочо Гоамакортанаькъан Мустафас хьалхале лелаеш. Спикера белгалдир; политикаша, юкъарлен оагӏонцарча болхлоша эггара чӏоагӏагӏа теркалдераш. Къонача тӏехьенна юкъе дикка пайда боаржабеш хилар из лекци», - дийцар тха газетага.
Гоамакортанаькъан Мустафас белгалдаьчох, юкъарлен оагӏонца хьаллоацаш дараш теркалдарца мара, бахархошца боаггӏача боарамера бувзам лоатталургбац паччахьалкхенна.
