Магасе бера доагIаш дола пенси хьадалийтар
Магас шахьара прокуратуре моттигерча яхархочо баьча лоткъамах тIахьожама болх дIабихьар. Цига пенсионни бокъонаш телхаяь моттиг нийсъелар, цун 7 шу даьннача заIапхо волча воIа хьадоагIаш дола пенси соцадарах, яхаш, дийцар «Сердало» газетага тIахьожама боахаме.
«Болх дIабихьачул тIехьагIа гучадаьлар цу кIаьнка 2022 шера заIапхо ва аьнна каьхат денна хиннилга, бокъонах из пенси цу дийнахьа денз хьадоладала дезаш дар. Бакъда пенси хьадоладелар 2023 шера саькура бетта, из бокъонаш телхаеш хилар да», - аьлар хоамо.
Прокуратуро иск дIачуелар суде, пенсионни фонда органаш бокъонах доагIаш ма-хиллара, кIаьнка заIапхо хилара каьхат хьаденнача дийнахьа денз пенси хьадалара тIахьехаш. Судо хьаллаьцар прокуратура дIадехар,цу тайпара цу кIаьнка 2022 шера денз соцадаь хинна ахча хьаделар 60 эзар сом совгIа.
