Магасе бийсан а хоза, сийрда я
20.06.2024 14:34
Аьхки ГӀалгӀайчен шахьарашка тӀатеӀӀа дӀахьош хул гӀишлон балхаш, цӀенхаштта тоаеш хул цхьайола моттигаш, доал деча моттигашкара гӀишлон балхаш кердадоах. Цу тайпара балхаш деш, Магас-Шахьара электросеташа вай мехка столице сердал дикагӀа хургьяр деш латт, яхаш, дийцар «Сердало» газетага шахьара мэре.
«Цу гӀулакхах бехктокхаме болча болхлоша керда лампаш дӀаувттаю. Иштта карташта, зизашта юхе, гӀашлой наькъашта уллув ягӀа сердал луш йола лампаш хувцаш, тоаеш латт. Уж я тайп-тайпарча кепара: герга, саьнаш долаш, оалаш ма хиллара, «классически хьисапе», - йоах хоамо.
Сайрийна къаьстта хоза хул парке; столицан хьаьший, бахархой гӀадбуг цу гӀулакхо.
