Тоаяьча Магасерча жӏакай клубе, йоккха яхь дӏайихьар
Шахьара мэра Кубках йола яхь дӏайихьар «Магас» яхача жӏакай клубе. Из хоам «Сердалога» бир шахьара мэре.
«Шахьара да вола Тиймарзанаькъан Муса, «Са бизнес» яхача моттига кулгалхой бар цу гӏулакха хьалхаэттараш. «Магас» яха жӏакай клуб эггара йоккхагӏа лоархӏаш я вай мехка. Цу чу мел дола хӏама эргадоаккхаш, меттадоаладеш болх дӏабихьаб клубе», - йоах тхога бенача хоамо.
Белгалде деза, дӏадахача шера «Са бизнес» яхача оагӏоно дешархой, студенташ, тӏемахой юкъелоацаш йола бархӏ кхетаче цига дӏайихьалга.
Таханарча къовсаме дакъа лоацараш бархӏ шергара кхойтта шерга кхаччалца дола бераш да. Лакха говзал гойтар бераша цу яхьашка.
«Магас» яха жӏакай клуб хӏара денна ший хӏама дикка тоадеш, лакхдеш латтарех я.
Тайп-тайпарча ханага кхаьчараш хургба цига ловзаш. Цӏихеза чемпионаш, жӏакай боккха говзанчаш кхебе лерхӏ клубе, Дала аьннадале.
