«Хьалхарчар болам» яхача оагӀон балхах дийцар Магасе
«Хьалхарчар болам» яхача оагӀоно республике дӀахьоча балхах, дӀахойодача хана цар кхоачашде дезача декхарех дийцар Магасе дӀайихьача кхетаче. Из хоам «Сердалога» бир цу моттигера.
«Кагирхой, берий Даьхенцара безам чӀоагӀбеш, цун декхараш кхоачашдара уж тӀахьехаш йолча моттигерча, ерригача Россерча проектех дийцар гулбеннараша. «Хьалхарчар болам» яхача оагӀон кулгалхочун гӀонча волча Моргуновский Валере видеобувзамга гӀолла теркалдир, цу оагӀонца къахьегараша мехкарча кагирхошца беча балха дикка толамаш даьха хилар. Кхетаче чакхйоалаш, дошо хьарак денна, «Хьалхарчар болам» яхача оагӀон хьехамча вир вай мехкадаьх Келаматанаькъан Махьмуд-Ӏаьлах», - йоах хоамо.
Республикан кулгалхочо белгалдечох, «Хьалхарчар болам» яхача оагӀоно доккха дакъа лоац вай къаман Даьхенах дог лазаш бола кагирхой кхебара юкъе».
