Магасе хьадийллар Сийлахь-боккхача Даьймехка тӀема хетадаь хьажар
ГӏалгӀай Республикан паччахьалкхен архивни гIулакха керда гойтам хьабийллар, 1941-1945 шерашка лаьттача Сийлахь-боккхача Даьймехка тӀема хетабаь.
Кхетаче кийчъяьяр советски эскаро фашистий эскар дохадаь 80 шу дизара чуйоагӀаш. Карарча шера тов беттага кхаччалца, гойтамга хьажа йиш я.
«Цу дагалоаттама хьало гулбир мехка столице Ӏилман, дешара доакъош тӀара болхлой, бӀухой гаргара нах, юкъара болх бераш, кагирхой викалаш.
Гулбеннарашта гойтар тамашийна хоамаш, сурташ, тӀем тӀара каьхаташ, амараш, тӀем тӀа хьийхарий тайпан цIераш, бӀухошта дагаухараш. Цар белгалдеш хиннар дар, уж шоай Даьхен бизза къонгаш болаш тӀем тӀа моастагӀчох латаш хилар», - аьлар хоамо.
Цунца цхьана, ГАС зале дездеш дар «Архива хоамаш» яха шоаш арахийца Ӏилман журнал, цо дувц Сийлахь-боккхача Даьймехка тӀемах лаьца. Цунна чудоагӀа тохкамхой Ӏилман балхаш, иштта тӀеххьарча шерашка архива кораяь материалаш.
«Укхаза мел йолча хIамо тхона новкъостал ду дӀадахар дагалоаттаде, из тӀехьа тӀайоагӀача тӀехьенна дIадала. Къаьстта йола моттиг дӀалоац Сийлахь Котало йоаккхаш гӀалгӀай къамо доккха дакъа юкъедена хиларо - уж я вай мехкахой, Даьхе лораеш лаьттарий цӀераш. Гойтаме оттадаьча каьхаташка гӀолла а, иштта «Архива хоамага» гӀолла а оаха дувц кагирхошта вай даьй турпала гӀулакхаш кердадоахаш, цар тӀема наькъах, цар Даьхенцара безам мишта хиннаб. Вай декхар да истори дагадоагӀаш хилар, кхыча наькъ тӀа из дерзаде йиш йоацилга диц ца деш», - аьлар ГӏалгӀай Республикан Паччахьалкхен архивни гIулакха кулгалхочо Ховтанаькъан Руслана.
