Магасе моттигерча бахархой кхайкарал теркалдир
Укх деношка «Муниципальни сахьат» яха программа хилар эфире, шахьара кердача кулгалхочо Тиймарзанаькъан Мусас дакъа а лоацаш. Нахаца къамаьл деш, дийцар лоархӀаме дешаш, царна юкъе дар Чахкенаькъан урамах №25 йолча цӀен бахархошта хьалхашка нийслуш дола кхоачамбоацараш, яхаш, дийцар «Сердало» газетага шахьара администраце.
«Передача йолаш бахархоша дехар даьдар; шоай цӀен коа берий кхерамзленна бола чулостам бе, аьнна. Иштта зӀамигача футбола майда яр а дийхадар. Цул тӀехьагӀа мэр ваха хилар цига, бакъда цун гуш хилар, берашта кхераме йола бӀарчча гув гӀишлон материалаш цига латташ хилар.
Мэра белгалдир, цу тайпара хьал сиха юстардаккха дезаш хилар», - аьлар хоамо.
Наьха дехара жоп луш, цох бехктокхаме барашта цо тӀадиллар цу даькъ тӀа кхерамзлен Ӏалашо яр, хӀаьта берашта лаьрхӀа зӀамигача футбола доазув кийчде а лаьрхӀар. Из хӀанз, инвестор юкъе а воалаваь, кхоачашдергдолаш да.
