«Дизайнер мишта хила йиш я?» яха дешар дIадихьар Магасе
10.11.2025 10:12
ГIо дерий оагIонца дIадихьар Магасе «Дизайнер мишта хила йиш я?» яха Налганаькъан Темирхана хьехамаш. Из хоам «Сердалога» бир РЦД зарбан болх лелабераша. «Дизайнерий балхаца дувзаденнараш довзийтар цу кхетаче. Болалуш болча дизайнерашта хетадаь дар из вIашагIкхетар. Доакъашхошта дикка пайда беш хилар из моттиг», - йоах тхога кхаьчача хоамо.
Спикера довзийтар таханарча цу оагIонцарча балхацара керттердараш. Ший дикагIа дола балхаш хьахьекхар цо цига. «Оаха доккха баркал оал Налганаькъан Темирхана, из кхетаче хьаллаца раьза хиларах. Гулбеннарашта дикка пайда беш хилар кхетаче. Баркал хилда доакъашхошта а деррига ма дарра довза, кхетаде гIерташ къахьийгача», - аьлар тхога гIо деча оагIонцара болхло волча Iарчакханаькъан СаIида.
