Магасе лекци йийшар «Туризми мехктохками» яхача темах
ГӏалгӀай Республикан кагирхой цхьанкхетарий ЦӏагӀа лекци йийшар «Туризми мехктохками» яхача темах, яхаш, хоам бу «Сердало» газетага из болх вӀашагӀбеллараша.
«Из кхетаче дӀахьош гид-экскурсовод волча Ӏарчакханаькъан Мусас дийцар ладувгӏаш хиннарашта вай мехка исторех, культуран тӀехьаленах, иштта довзийтар туристически тамашийна наькъаш, ший балха говзал. Цунца цхьана, цо дийцар къамаьл де ховш хиларца, хӀама довзаш хиларца гида таро я туристий терко тӀаоза», - йоах хоамо.
Кхетачен хьало хьагойт: хьамсарча мехкацара безам дӀаболалу дийнача дешагара, истори дезаргара», - аьлар кагирхой Цӏен болхлочо Гӏалменаькъан Саӏида.
Белгалду, кхетаче вӀашагӀъеллаяр «Культуран вӀашагӀкхетараш» яхача проекта тоабо, цо таро лу кагирхошта шоай зӀамигача мехках дукхагӀа довза, иштта доаккхал де культуран а ӏалама а тӏехьаленна шоай вахар хетадаьча мехкахоех.
