Магасерча Кулиева урам тIара берий майда меттаоттае лерхI
19.05.2025 12:42
Кулиева урам тIарча № 5 йолча цIен бахархоша шахьара даь декхараш кхоачашдеш волча Тиймарзанаькъан Мусайга дийхар, шоай цIен коа хьачувоагIача моартола кIалха воркаут-доазув хьаделла, аьнна; бакъда шахьара дас берашта лаьрхIа моттиг тоае лаьрхIар. Из хоам «Сердалога» бир мэре.
Ше араваьнна, цу моттигага хьежар шахьара да. Теркаме лаьцар, къоастадаь доазув, хатар хинна болх хилча, МЧС машинаш хьачуяь паргIата хила дезилга.
Цудухьа, берашта ловза къоастаяь моттиг дикка тоаеш, керда хувцамаш юкъедоаладеш, болх чакхбаккха беза, аьнна, соцам бир мэра.
Цигарча бахархой хьал паргIатадоаккхаш, хул из гIулакх иштта дIадихьача.
