Доал доацаш лелача хьайбашцара гӀулакх къоастадеш ба Магасе
28.08.2025 16:51
Магасерча администраце шахьара юхе ядача юрташкарча бахархошка дехар ду; боккъал а доал де оашош дӀахийца лелача хьайбашта, яхаш. Из хоам «Сердалога» бир мэре.
Магаса юхе ядача юрташка тӀахьожам боацаш дӀахийца лела доахан, шахьаре хьачуухаш, цигара моттигаш толхаеш да.
Хьайбашта доал де деза, шоай лоӀаме дӀахийца ца дуташ, аренашка дӀалехка деза дажа». Нагахьа доахан шахьара юкъегӀолла лелаш кхы бӀаргагой, ЖКХ доазон тӀарча гӀод тохача моттиге дӀадугаргда уж», - йоах хоамо.
