Доал доаца жӀалеш хьалувца тоаба вӀашагӀйолла лаьрхӀад Магасе
09.04.2025 11:07
Магасе дӀайихьача кхетаче, доал доацаш лелача жӀалешца дувзаденнарех дийцар шахьара даь декхараш кхоачашдеш волча Тиймарзанаькъан Мусас. Из хоам «Сердалога» бир шахьара администраце.
«Доал доацаш лелача жӀалешцара гӀулакх тахан Магаса бахархошта къувлаш, сатем боабаь да. Къаьстта чӀоагӀа кхер шахьаре цар берашта зулам дарах, хӀана аьлча цхьайолча моттигашка бӀарчxа ординг яь лел жӀалеш», - йоах тхогарча хоамо.
Шахьаре дӀайихьача кхетаче соцам бир, уж хьалувца, къаьста тоаба вӀашагӀйолла. Цу гӀулакхо шахьарера кхерамзлен хьал аттачахьа даккхарга сатувс администраце.
