Нийса бувзам лелабе Ӏомалургба Магасе
A-HUB UzbekӀstan акселератор хьакхелла, «Акселератор ФРИИ» яхача оагӀон керттера хьехамча вола Спасенни Стас ва укх бетта 18-ча дийнахьа цу кхетаче болх дӀахьоргбар. Из хоам «Сердалога» бир къахьегамах йолча министерствон болхлоша.
«Шоаш гӀулакх дӀадахьа доахкача нахацара бувзам мишта лелабе беза, къамаьл боаггӀача боараме, нийса де Ӏомале шоашта мах боацаш дӀахьош йолча моттиге. Тайп-тайпарча тоабашцара, проекташцара болх нийса вӀашагӀболла, шоай бизнеса никъ тешам хургболча тайпара дӀабовзийта Ӏомадала аьттув ба цига», - йоах тхога бенача хоамо. Къамаьл нийса дӀадахьарах дола бизнес-ловзар, кейсашцара болх, иштта кхыдараш хургда цига доакъашхошта лаьрхӀа. Ӏуйран итт сахьат даьлча таьрахьех дола гӀулакх доаржадарах йолча Академе («Ишкол 21» йоккхача зале) дӀахьоргда из гӀулакх. Адрес: Магас, Хрущева цӀерах болча урама № 10. «ГӀалгӀайчен Бизнес-акселератор» я из дӀахьор.
