Магасе гӏулакх хьадийллар, бюджета ахча ца доагӏача дӏадохийташ, зулам дарах
16.09.2025 10:21
Магасе тахка доладаьд, паччахьалкхен гӏулакха тӏа волаш, кулгалхочун декхараш кхоачашдеш хиннача сага духьалара тохкама гӏулакх. Из бехке ву ший балхарча бокъонел тӏехваларах, яхаш, дийцар «Сердало» газетага тохкама комитете.
Тохкамо чӏоагӏду, 2021 шера оагӏой беттагара 2024 шера ардара беттага кхаччалца цо дӏадахьийтад 1,5 миллион сом бюджетера ахча, болх беча моттигера йоаца машин тоаеш а доагама материалах а.
«Цу гӏулакхо зе даьд Гӏалгӏай паччахьалкхен бюджета. Хӏанз дӏахохьош да тохкама балхаш, из деррига мишта хиннад гучадаккха дагахьа», - аьлар хоамо.
Гӏулакх хьадийллад ФСБ, иштта Гӏалгӏайчен прокуратуран болхлоша кийчдаьча лоткъама каьхатий кӏийлен тӏа.
