Яндекс. Лицее дийшачарна сертификаташ дӀаделар
«Python программированех дола керттердараш» яхача программах республикерча «Кванториум» яхача берий технопарка Яндекс.Лицее шера дешаш хиннарашта, сертификаташ дӀаделар. Из хоам «Сердалога» бир технопарка зарбан болх лелабеча Налганаькъан Мадинас.
«Дешаш бераша Ӏомадир Python синтаксисаца дувзаденнараш, боаггӀача боараме код язде Ӏомабелар, иштта программашка гӀолла тестировани яр, электронни библиотекашца болх бар дайзар царна. Аналитиках йола проекташ кхоллар дар цар дешара юкъе лоархӀаме.
Хьехархой геттара раьза болаш дешар чакхдаьккхарех яр толашагӀа дола сертификат денна Хазанаькъан Амина. Белгалде деза, 45 балл яьккхарий тӀадоагӀача шера а шоай дешар дӀаходахьа аьттув болга. ШоллагӀча курсе царга хьеж веб - оагӀонаш доаржадар, чат-боташ хьакхоллар, промышленни программированеца къахьегар.
