440 эзар сомах «катехараш» гучабаьхар Магасе
30.07.2024 10:33
Магасерча тохкама болхлоша гучадаьккхар 400 эзар сомах страховка йоаккхаш кхостадаь зулам. Из хоам «Сердалога» бир МВД болхлоша.
«Из гӀулакх тохкаш баьхкача Ӏаьдала болхлошта гучадаьлар, 2018-ча шера саькура бетта 5-ча дийнахьа, Магасе «Мерседес-Бенц», «Камаз» вӀашкакхийтта хатар хиннад, аьнна, кхостаяьча хӀилланна юкъе, вай мехкара кхо вахархо волга», - йоах хоамо.
Страховка еш болх лелабеча оагӀонна 440 эзар сом зе даьраш бехктокхаме озаргба.
