«Аэрохахкар - 2024» яха чемпионат дӀайихьар Магасе
31.05.2024 09:00
Квадрокоптерашца «Кванториум» яхача технопарко дӀахьош йола чемпионат чакхъяьлар Магасе. Из хоам «Сердалога» бир цу моттигера зарбан болх лелабераша.
«Яхьашка оттадаьчох, дешархошкара эшаш хиннар дар; къоастадаьча доазонга кхаччалца дӀа а яха, ший ха еззача моттиге дрон Ӏохар. Эккажкъонгий-Юртарча №7 йолча ишкола дешархоша Налганаькъан Басира, Ахьмада яьккхар котало.
«Кванториумера» Йовлой Ахьмади Билали 2-ча моттиге хилар. КхоалагӀа моттиг кхаьчар ТӀой-Юртарча №2 йолча ишколерча Олганаькъан ТахӀирага, Дзовранаькъан Исламага», - йоах тхогарча хоамо.
Керттера кхелахо волаш лаьттар - гӀетташ йолча хӀамашцара говзал Ӏомаеча факультете деша ваьгӀа, тӀема-сигаларча низий эпсар Сукенаькъан Махьмад-Гири.
