Магасе тайпан кашамаш тоадеш латт
Работы по облагораживанию места захоронений в городе Магасе — родового кладбища Султыговых — подходит к завершению. Местные жители следили за всеми работами, предлагали помощь, подрядчик, в свою очередь, прислушивался к просьбам жителей и корректировал строительный план. Старейшины тейпа Султыговых преображению родового кладбища очень рады.
Моттигерча бахархоша тIахьожам лоаттабаьб цу балха, новкъостал эший а хьежаб, болх бераш а шоай аргIагIа наха фу оал хьожаш, царга ладувгIаш, цунга хьежжа къахьегаш хиннаб.
Султиганаькъан тайпан боккхагIбараш чIоагIа раьза ба, уж кашамаш тоадаь.
«Беха никъ, тIаяьнна буц мара хIама дацар цига хьалхагIа. Деррига а хувцаденнад хIанз. ГIишлонхоша гобаьккха кашамашта гонахьара карт хьалйир, ламаза цIа тоадир, коара гIулакха леладеш дола цIа а тоадир, коанаIараш хийцар, хIанз гIишлонхой асфальт Iобуллаш ба. Болх дукха баьб», — аьлар «Сердало» газетага тайпан воккхагIчо.
Юкъара хьаийцача, карарча шера 40 кашамаш тоадергда, юхедисараш — хьатIадоагIача шера. Доккха хувцамаш хиннад, ГIалгIай Республикан кулгалхочо Келаматанаькъан Махьмуд-Iаьлас «САФМАР» фонда кулгалхочунца Гуцаранаькъан Микаилаца барт барах.
Динах боахкача наха чIоагIа лоархIаш да, шоай даьй боахка кашамаш. Уж каст-каста болх цига, байнарашта маьл кхайкабе, цудухьа царна, мах баь варгвоацаш, доккха хIама да уж тоадар. Балхаш йистедаха лерхI ер кIира чакхдоалаш.
