Магасе дийцар, кIира баьча балхах, шахьар тоаеш дIахо де дезарех
24.06.2025 11:47
Магасе дIайихьача кхетаче керттерчарех дар шахьара доазонаш тоадара дош. Карарча хана шахьаре йистебаккха лаьрхIад кIоагаш дIакъовлара, Коталон яхача парка, «Спартак» стадиона тIадолхаш дола наькъаш дахкара болх, яхаш, дийцар мерэ «Сердало» газетага.
Иштта керттера терко тIаяхийтар шахьара коммунальни болхлой оагIорахьара тIахьожам лоаттабара. ЖКХа, Зеленхоза, Электросетей кулгалхошта тIадиллар шоай доакъошка хьожаш хилар, бахархошта кхерамзле а дика хьалаш а хургдолаш.
Цул совгIа, шахьара кулгалхочо юкъейоалайир керда практика - цхьацца долча шахьара чудоагIача зIамигача доазонашта (микрорайонашта) тIехьа ший гIончаш оттабар. Уж хьожаргба шоашта тIачIоагIдаьча даькъ тIара хьал миштад, ца доагIа хIама нийсденна хуле, сиха теркалдергда.
