ГӀалгӀай паччахьалкхен 100 шу дизар дездарах, дийцар Магасе
ГӀалгӀай паччахьалкхен 100 шу дизар дездеш, дӀабахьа безача балхах дийцар Магасе дӀайихьача кхетаче. Из хоам «Сердалога» бир Мехкадаь зарбан болх лелабераша.
«Вайна керттердар - кхерамзлен хьал лорадеш, боаггӀача боараме из дӀадахьар. Цу гӀулакха бехктокхаме барашта тӀадиллад аз, цӀаькха а моллагӀча хатара духьалара кхерамзлен хьал, цӀи яьлча хоам беш дола гӀирсаш, иштта кхыдараш а хила дезача беса кийча дий хьажа аьнна», - дийцар ший къамаьла юкъе вай Мехкадас Келаматанаькъан Махьмуд-Ӏаьлас.
ХьатӀабоагӀача бетта 28-ча дийнахьа Шолжа-Шахьарерча Дьякова цӀерах йолча стадиона тӀа дӀахьоргда из доккха цӀай. Из моттиг боаггӀача боараме хургйолаш, тоаеш баьхкаб болхлой, карарча хана стадиона гонахьара доазув меттадоаладеш боахк.
Вай къаман лоархӀаме дола цӀай дезделга ховш хила беза къаман беррига бахархой; хӀана аьлча вай къаман истори да из!
