«Бахархой дехараш, лоткъамаш доашхаш дӀайолайир кхетаче. Эггара керттерчарех да шахьарера сердал, нувхаш латта доазош, наькъашкара кхоачамбоацараш, бераш ловзача моттигий хьал», - йоах хоамо. Шахьара даь декхараш кхоачашдеш волча Тиймарзанаькъан Мусас шийна гонахьарча тоабанна тӀадиллар; наьха лоткъамаш, дехараш теркаме лоацаш, таханарча дийнахьа нийслу кхоачамбоацараш юстардаха, аьнна.

Иштта рузкъан- экономикан оагӀонна тӀадиллар, наха аттагӀа хургдолаш тикашка карточкашца мах бар юкъедоаладе аьнна. Мэра белгалдир, деррига гӀулакхаш йиллача хана, боаггӀача боараме тоадаь латташ хила дезилга, цхьаккха бахьанаш юкъе ца кхувлаш.