Магасе хьабийллар «Спартак» яхача стадионага, Коталон паркага бода керда никъ
04.07.2025 16:48
Маьтсела бетта 9-гӀа ди долаш, Магаса бахархошта совгӀат хилар керда Коталон парк а Мемориальни комплекс а хьаелларах. Бакъда цу парка тӀабода никъ паргӀата бацар, цудухьа Ӏаьдало лаьрхӀар керда никъ билла, из ба шахьара «Спартак» яхача стадиона тӀабодаш, яхаш, дийцар «Сердало» газетага шахьара мэре.
«Хӏанз цу даькъ тӀарча бахархой таро я стадиона, парка паргӀатта тӀабаха. Кердача наькъо хозъяьй Магаса моттиг, из лаьрххӀа хьабеллаш кхетаче а хилар», - йоах хоамо.
Шахьара мэра Тиймарзанаькъан Мусас баркал аьлар бахархошта шоаш хьаллацарах; иштта «Техстрой» компанена, ший ханнахьа а дикал йолаш а болх чакхбаккхарах.
Гӏишлонхой дӀахо а болх дӀабахьа лаьрхӀа ба, бакъда шахьара бахархой таро я хӀанззе а цу наькъ тӀа лела.
