Магасе харцахьа соцадаь ахча хьаделар пенсионерканна
19.05.2025 15:49
Магас-Шахьара прокуратуро моттигерча яхархочун пенсионни бокъонаш меттаоттайир, яхаш, дийцар «Сердало» газетага тӀахьожам лоаттабечар.
2023 шера наджгоанцхой бетта цун къаяларах луш хинна пенси 13 эзар сомага кхоачаш кӀезигдир. Из нийсделар Волгоградски областерча пенсионни фондо ревизи яьчул тӀехьагӀа, уж дегабуам беш хилар цун 1975-1976 шерашка хиннача балха стажах.
Прокуратуро, пенси харцахьа Ӏадаьккха хилар ларде а лаьца, Магаса кхален суде лоткъам чубелар.
Цу тайпара кхалсага хьаделар ший хинна пенси а, иштта соцадаь лаьтта ахча а - 467 эзар сом, цу юкъе индексаци йолаш. ХӀанз ший доагӀаш дола пенси хьаийдеш я из.
