Герз детташ, Магасе хиннача довна бахьанаш тохкаш да ӏаьдал
11.09.2025 09:28
Магасера Гаьгенаькъан Б., Чахкенаькъан С. цӏерах бола ши урам вӏашагӏкхетача герз дӏа-хьа детташ, хиннача латара бахьан тохкаш ба полице болхлой. Из хоам «Сердалога» МВД болхлоша бир.
«Шахьара вахархочо дувцачох, мичахьара боагӏа ца ховш, зуламхой дов де болабеннаб цунна. Травматически оалаш йола тепча юхаетташ, царех кӏалхаравала гӏийртав из. Цунна духьала герз детта болабенна, тӏаккха къайлабаьннаб зуламхой», - йоах тхога бенача хоамо.
Тохкама болхлой ба из гӏулакх тахка арабаьнна. Цу довна юкъе хиннача шин сагаца къамаьл даь, дӏахо болх дӏахьош ба ӏаьдала болхлой.
