Газах доагӏа декхар ханнахьа дӏатакхийтара тӏехьа къахьегаш ба Магасе
Газах дӏатела дезаш дола ахча ханнахьа дӏатергдолаш, къахьега лерхӏ Магасе. Цох лаьца дувцаш кхетаче дӏайихьар шахьара да волча Тиймарзанаькъан Мусас, «Газпром межрегионгаз Наьсаре» яхача моттига кулгал деча Лаьнанаькъан Элберада.
«Газах тӏалатташ дола декхар бахархоша боаггӏача боараме, ханнахьа дӏатергдолаш юкъедаха дезача кердадарех, из хьал тоадеш кхоачашде дезарех, иштта шахьарерча, газацарча кхерамзлен хьалаца дувзаденнарех дийцар кхетаче гулбеннараша. Газ, кхоачамбоацараш юкъе долаш, дӏатӏакхахьарах тахан хулаш долча хатарех, къаьстта чӏоагӏа терко тӏайохийташ, дийцар шахьара мэре», - йоах тхога бенача хоамо.
Лаьнанаькъан Элберада белгалдечох, цхьана болх дӏахьош меттадоалалургда цу оагӏонцара кхоачамбоацараш. Белгалде деза, таханарча дийнахьа Магаса тӏалатташ дола декхар кӏезига доацилга – 651 млн сом совгӏа ахча да из, хӏаьта газах пайда эцаш ба аьнна дӏаязбаь латтараш карарча хана 7 118 саг ва.
