Газ ӏотӏакхетарах, хатар хилар Магасе
Газ, цӏаьхха, ӏатӏакхетарах; хатар хилар Магасе. Из хоам «Сердалога» бир мэре. Газа боарам къоастабеш йола оатхал йохарах хиннад из хатар. «Хатар хиннача хьакхаьчар Паччахьалкхен кулгалхочун хьалхара гӏонча Йовлой Мухьмад, Магаса мэр вола Тиймарзанаькъан Муса, ООО «Газпром межрегионгаз Наьсаре» яхача моттига кулгалхо Лаьнанаькъан Элберд, иштта кхыбола цу оагӏонцара болхлой а.
Хатар хиннача моттиге болх беш боахк карарча хана. Зулама бахьан юстардаьккха, хинна зе малагӏча боараме да хьожаргба цига. Магаса мэра белгалдечох, шахьарерча цӏеношка газацара хьал мишта латт хьожаш болх ба дӏахьош.
Хрущева цӏи лелаеча ураме газа пишк лотаялара бахьан тохкаш хиннача болхлошта массехк доккхий кхоачамбоацараш гучадаьлар цига. Котёл, цунца дувзаденнараш дахчан ишкапа чу даьхкад, хӏаьта из вӏалла хила йиш йолаш дац!
Моллагӏа хӏама нийсделча 8-928-098-68-64 «сихача гӏон» телефонах хоам бе безилга хьалхадаьккхар наха. Хатараш юстардахара тӏехьа болх дӏахьор оперштаб я, бахархошкара хӏара хаттар ше-ший аргӏагӏа доашхаш ба уж.
