Россех ГӀалгӀайче дӀакхийтта 255 шу дизара хетадаь концерт хилар Магасе
18.03.2025 14:54
Россех дӀакхийтта 255 шу дизар дездеш ба вай мохк. Магасерча кинон, театра гӀулакхех йолча моттиго цу ден хетадаь концерт дӀадихьар. Из хоам «Сердалога» бир цу моттигера.
«Геттара чӀоагӀа кийчо яьяр цу денга. Тахан вай кхетаду из ди къаман мел лоархӀаме, деза да, иштта цо хьагойт вӀаший бувзам, барт хилар, гӀо дар», - йоах хоамо.
Театра, кинон гӀулакхех болча оагӀонна кулгал деча Дзортанаькъан Мадинас белгалдир, из ди вай исторе лоархӀаме, массане доаккхал де дезаш долга. Ший овла бовзаш хила веза хӀаравар, тӀехьа тӀабоагӀарашта из дутаргдолаш.
