«Лоамаш делхадаь ди» яха кхетаче дӀайихьар Магасе
13.02.2025 12:26
ГӀалгӀай, ночхий къамаш мехкахдаьха 81 шу дизара хетаяь, «Лоамаш делхадаь ди» яха кхетаче дӀайихьар Магасе. Из хоам «Сердалога» бир ГӀалгӀай паччахьалкхен университета филологически факультетера.
«Кхетаче дакъа лоацаш хилар «ИнГУ йоазонхой» яхача студентий оагӀон, «Хоза мотт» яхача дешара клуба доакъашхой. 1944-ча шера мехках дохадаь Ӏодахьийтача вай къамо лайнача халонех дийцар кхетаче. Кагирхоша шоаш язъяьча байташка гӀолла дийцар цу унзарча, харцо лаьттача ханах», - йоах тхога бенача хоамо.
