Грантех, проектех йола семинар дӏайихьар Магасе
Лоархӏаме проекташ йоаржаяра тӏехьа къахьега начӏал дола кагирхой гулбелар Магасерча грантех, проектех йолча семинаре. Из хоам «Сердалога» бир цу гӏулакха хьалхаэттараша.
«Федеральни оагӏонца хьаллоацаргйола проекташ мишта хьакхолла еза ӏомалуш хилар цу дийнахьа тайп-тайпарча паччахьалкхен лоархӏаш йоацача моттигашкара болхлой, паччахьалкхен моттигашка къахьегараш, кагирхой.
«Хьалхарчар болам» яхача оагӏон доакъашхоша цу оагӏонца шоашта карагӏдаьннарех дийцар. Цул совгӏа, проекташ вӏашагӏйохкача наькъ тӏа лоархӏамедараш малагӏаш да, иштта дехар чулуча хана нийслуш дола гӏалаташ белгалдир цига. Болх ма хетта тоабергбараш хьалхадаьхар гулбеннарашта», - йоах тхога бенача хоамо. Магасерча кагирхой цхьанкхетарий Цӏагӏа дӏадихьа из вӏашагӏкхетар боккха пайда боаржабеш хилар.
