«Цу кхетачен чуйоагӀаш, филологически факультета дешархоша докладаш йийшар, цу юкъе славяний йоазон оагӀонашца ювзаенна тайп-тайпара уйлаш яр: хьалхара литературни мотт лоархӀаш болча къаьнарча славяний меттагара, таханарча дунен тӀа кириллицо дакъа лоацаш хиларга кхаччалца. Цул совгӀа, кхыча факультетий викалаш, цу юкъе кхыча паччахьалкхен студенташ а болаш, Даьхен литературан дешара викторинашка цхьацца долча хаттарашта жоп дала дезаш бар, къаьнара славяний йоазув юкъе а доаккхаш, язде хьожаш. Юххера, кагирхоша сурт ловзадир, цар кириллица хьакхеллараш-Кирилл, Мефодий болаш санна, дакъа лаьцар цун юкъе», - аьлар ИнгГУ филфаке.