Магасе йийшар «Гӏа - хIама довзара гӀирс санна» яха лекци
Магасе «Гӏа хIама довзара гӀирс санна» яха лекци йийшар, из лаьрхӀа яр ГӏалгӀай Республикан тароний центра волонтёрашта, яхаш, дийцар «Сердало» газетага РЦД зарбан болх лелабеча Йовлой Самирас.
«Дешара оагӀув лаьрхӀа яр наха юкъе нийса вахар леладар доаржадара. Дувца оттадаь дош дар, мишта Ӏаткъаш да, ший ханнахьа Ӏовижа, бийсан сацалаӀар, малагӀа во ду цо сага.
Кагирхошта хьалхадаьккхар шоай ханнахьа бийсан ӏобувшар эшаш долга», - йоах хоамо.
Къаьстта йола терко тӀаяхийтар, наб яйна хилча, моллагӀа дола хьал тӀаэцара из сага духьалдоалаш хилара. Хьаьшаша дийцар наб хьакхетаргйолаш де дезар, цу хьакъехьара хьехамаш дир; бӀарчча ди балха даьккхачул тӀехьагӀа, дегӀага салаӀийта дезарах дийцар.
«Из лекци лоархӀаме яр сага могашал лораяра, шоай дегӀага ладувгIаш кагирхой хилара. ГӏалгӀай Республикан РЦД волонтёраша боккхача безамца ладийгIар, хаттараш дир, мах бола кердадараш дайзар. СалеӀа вола волонтёр - из ва дукха хӀама карахдаргдола волонтер!» - аьлар ГӏалгӀай Республикан РЦД кулгалхочо Галай Назира.
