Магасе кхетаче хилар, ГӏалгӀайчени Свердловски областеи профсоюзий викалий
Магас-Шахьаре кхетаче хилар ГӏалгӀай Республикан профсоюзий Цхьанкхетара кулгалхочун Оздой Хадеи иштта Свердловски областа профсоюзий Федераце председатела Ветлужских Андреи кулгал а деш, яхаш, дийцар «Сердало» газетага цу моттиге.
«Тахан, гӀалгӀай исторен чухь шин оагӀоно барт бир «Цхьана гӀулакхаш леладара». Иштта чӀоагӀо яьй ГӏалгӀай Республикан туризма Комитето, «ГӏалгӀайчен курорташ» ООО чулоацаш, цхьана туристически хувцамаш, туристически даькъ тӀа болх лелабар дӀахьоргдолаш», - йоах хоамо.
Шинна оагӀонна таро хилар пайда хьабоалаш дола гӀулакхаш леладара тӀехьа бартчӀоагӀам бе. Председатела Ветлужски Андрейс дийцар беча балхах, иштта профсоюзий болама доакъашхой хьаллацарах, къаьстта пенсе баха ха яраш, цул совгӀа профсоюзни кредитех лаьца а хьоахадир.
Оздой Хаде ший къамаьл хетадир укх тӀехьарча шерашка баьча балха, даьхача толамашта, маьцхали бетта 30-гӀа Ди профсоюзий болхлочун ди хиларах.
ГӏалгӀай Республикера викал волча, Свердловски областе болх беча Овшанаькъан Къурейша аьлар ше шинна оагӀорахьара бувзам лелабара тӀехьа хиларах а, иштта эшача новкъостал де кийча хиларах а, масса йолча оагӀорахьа, цу юкъе дӀахо кхетаченаш дӀаяхьар а долаш.
«Тхо дукха ха яр профсоюзашта юкъе шин оагӀорахьара бувзам лелабара никъ лахаа безам болаш дола. Цхьана болх беш хилар массадолча даькъ тӀа дӀахьош хургда, къаьстта профсоюза доакъашхой могашал санаторно-курортни даькъ тӀа тоаяра. Тхо хьожаш да, Урала бахархой юкъе а боахаш, туристически хьал дегӀадоаладе. Ала йиш я таханарча къамаьло дукха пайда белар цу даькъ тӀа дӀахо цхьана къахьегара», - аьлар Оздой Хаде.
