Ха яхача наха хетаяь кхетаче дIайихьар Магасе
Ха яхача наха хетаяь кхетаче дIайихьар Магасе «Даьхе - тхо» яхача Федеральни проекта тоабо. Из хоам «Сердалога» цу моттигера бир.
«Нохч-ГIалгIайчера ха яха нах. 1972 шу» яха документальни кино хьекхар цига. Тайп-тайпарча ханага кхаьча болча культуре, спортаца, иштта кхыдолча оагIонашца къахьегараш, тIема ветеранаш, гIо деш лелараш шоайла вIашкаозаш, царна юкъера бувзам чIоагIбеш хилар из гIулакх.
Хьаькъалца хоза хьехам беш, къонача тIехьен нийса никъ бовзийтарашта баркал ала ловш бар берригаш», - дийцар тха газетага. Кхетаче белгалдир, къоаношта, кагирхошта юкъе массахана бувзам хилар лоархIаме долга.
«Тахан вай массане доккха баркал ала деза мохк безаш, цун хIама лорадеш, беркате Iадаташ, оамалаш йоаржаеш хьабаьхкача къоаношта, къаьстта уж нах ба вай республика оттара наькъ тIа лаьттараш, доккха хIама шоашца хьадахьараш», - аьлар «Даьхе - тхо» яхача проекта кулгал деча Коазой Лолитас.
