Магасе дӀайихьар, бийсан тӀахьожам боацаш, лела кхувш боагӀараш гучабоахаш йола рейд
Магасе дӀайихьар цу лостамаг1ара хӀама тоадара тӀаерзаяь рейд, из вӀашагӀъеллаяр кхувш боагӀарий гӀулакха, бокъонаш лораяра йолча Комиссе, Россе МВД кхувш боагӀарий гӀулакха долча балха даькъаца цхьана, яхаш, дийцар «Сердало» газетага шахьара мэре.
Рейд дӀаяхьара бахьан хилар - юкъарча моттигашка: урамашка, скверашка, салоӀама центрашка - бийсан ха йоацача хана тӀехьахьожаш саг а воацаш, харцахьа лелаш бола кхувш боагӀараш гучабахара. Къаьстта терко тӀаяхийтар Наьна Аллея, Даь Аллея, ловзара моттигаш йолча.
«Тӏахьожама болх дӀахьош, гучадаьнна кхоачамбоацараш нийсдаланзар, иштта кхелатанза бараш а хиланзар цига», - аьлар хоамо.
Из болх вӀашагӀбеллараша белгалдир, цу тайпара рейд дӀаяхьаро берий кхерамзлен боарам лакхбеш хилар, цар наха а, наха царна а духьала хила тарлуш дола цатоамаш юхадоахаш хилар. Из доацаш а, из болх шоай берашка хьажара цар даьй тӀехьехаш ба.
