Шахьара кердача кулгалхочо кхетаче д1айихьар Магасе
13.03.2025 10:31
Шахьара кулгалхочун декхараш кхоачашдеш волча Тиймарзанаькъан Мусас кулгал деш, кхетаче дӀайихьар Магасе. Балхарча тоабаца дӀа-хьа байза, хьем ца беш кхоачашде дезача декхарех дийцар администраце.
Из хоам «Сердалога» бир шахьара мэре. Кердача хьакима белгалдир, тоабан хьалхашка латта керттера декхараш бахархой, шахьара хьал ма могга тоадарца дувзаденна хила дезилга.
Тиймарзанаькъан Мусас ший болхлой тӀахьийхар бахархой хьашташ теркалдара, массахана тоабанца къахьегаш хилара, тӀаккха дӀагӀоргба болх боаггӀача боараме.
