Дукха мах болча машинаца кхостабаь тийшаболх гучабаьккхар Магасе
Дукха мах бола машин лочкъаеш баь тийшаболх гучабаьккхар Магасерча Ӏаьдала болхлоша. Россе МВД Магасерча тохкама болхлоша къахьийга, гучаваьккхар цу юкъе хинна саг. Из ва Сурхо тӀара 1998-ча шера ваь вахархо. Дикка зе хулаш даьча зуламах бехке веш, лаьцар из Ӏаьдала болхлоша.
«Атта чакхбаьккхаб из тийшаболх цу сага. Машина да шийх тешилга ховш волча цо, ахча дӀалургдолаш хьаяь шийна, аьнна, дӀайигай Toyota Camrу. Ха ца йоаеш, сихвенна юхаехкай цо из машин 1 миллион 800 эзар сомах. Машин йола моттиг хьалаха аьттув баьлар Ӏаьдала. Селий мехкара хьалеха, хьаяьккхар машин», - дийцар «Сердалога» МВД зарбан болх лелабераша. Иномарка хиннача даьна хинна зе 2 миллион 350 эзар сом да.
МВД болхлоша бахархошка кхайкарал ду; моллагӀча шоашта ца вовзача сагах ма теша; деррига техкачул тӀехьагӀа, цхьаккха шеко йоацаш хилча мара; хӀама дӀа ма ле, яхаш.
