Дешархошта хьехам луш, кхетаче дӀайихьар Магасе
20.02.2025 10:06
18 шерга кхачанза долча берий гӀулакхех йолча комиссе болхлоша нийса кхетам баларах йола кхетаче дӀайихьар Магасерча «Дешара центр» оалача ГБОУ. Цига дакъа лоацаш бар берашта тӀахьожам лоаттабеча оагӀон болхлой.
«Сердало» газетага из хоам бир шахьара администраце. Кхетаче дӀаяхьара керттера маӀан - кхувш латтарашта нийса кхетам балар, царна гӀо дар. Цига дийцар дикалах, къизалах, нийсхо лелаярах, къахетамах, вӀаший тӀера хиларах.
«Дезала юкъе лораде деза лоархӀамедараш белгалдир гулбеннараша, иштта вӀаший бувзам лоаттабеш гӀо дарах дийцар», - йоах хоамо. ХӀаране шийна хетар оалаш, леладича дикагӀдар белгалдеш дӀайихьар кхетаче.
