Маркетолог волча Аькхенаькъан Ибрахӏимца, Магасе кхетаче хургья кагирхой
19.01.2026 13:22
Вай мехкарча, Нохчий мехкарча йоккхача проекташца болх беш волча маркетологаца, бизнесменаца Аькхенаькъан Ибрахӏимца хьатӏадоагӏача шоатта дийнахьа кхетаче хургья вай кагирхой. «Сердалога» из хоам бир кхетачен хьалхалаттараша.
«Магасерча кагирхой кхетачен Цӏагӏа спикера дувцаргда ший доалахьара хӏама хьаделларах, бизнеса юкъе лораде дезача керттерчарех, иштта 2026-ча шера даржаргдарех», - дийцар тхога, кагирхой цхьанкхетарий Цӏагӏа белгалдечох.
Къона бизнесмен 16 дешара программа яйза ва, иштта 1 000 000 совгӏа ахча ше доладаьча хӏаманца дӏадахийтад цо. Цо хьагойт, хӏара денна цун гӏулакх тоалуш латтилга.
