Магасе «ГӏалгӀай мотт: селхан, тахан, кхоана» яха кхетаче хилар
ИнгГУ чуйоагӀача Гуманитарно-технически колледже кхетаче хилар «ГӏалгӀай мотт: селхан, тахан, кхоана». Из хетаяь яр 2000-ча шера юкъедоаладаьча халкъашта юкъерча наьна метта денна, яхаш, дийцар «Сердало» газетага из болх вӀашагӀбеллараша.
Дикача йоазонхой балхах доккхал а деш, юкъерча дешара мугӀарашка багӀача студенташа дика сцена кийчъяьяр. ГӏалгӀай метта хьехархочо Мартазанаькъан Фатимас новкъостал а деш, цар гойтар вай культуран мах барий оагӀонаш, цун хозал.
Шоай аргӀагӀа, кхетачен доакъашхоша дакъа лаьцар бӀаьшерашка денз хьадоагӀаш дола гӀалгӀай Ӏадаташ гойтара даькъ тӀа, иштта дика концерт а гойтар.
«Хӏара къаман ший тайпара истори, мотт, культура я, уж хӀамаш да вайна тӀехьале хиле дусараш», - аьлар из болх вӀашагӀболлаш дакъа лаьцача Ӏалбаканаькъан Мухьмада.
