Магасе вахара Ӏалашон дешашца бувзабенна нах тӀаийцар
Магасе укх бетта 17-ча дийнахьа, паччахьалкхен цӀагӀа нах тӀаэцаш бар берашта социальни Ӏалашо ярца, уж хьаллацарца дувзаденнача дешаех, яхаш, дийцар тха газетага.
«ОагӀой бетта 16-ча денгара 20-ча денга кхаччалца оаха нах тӀаэца лаьрхӀар, уж дукха хиларца дувзаденна, цар нонагӀа дола хаттарш да унахцӀенонца, дешарца, вахарца дувзаденна. Цудухьа хӀара цу даькъ тӀара кулгалхо цига хургволаш вӀашагӀбеллаб из болх. Тхо, хӀаравар гуш а хозаш а да, тхоашта могар дергда цар хьашташ кхоачашдара», - аьлар ГӀалгӀай Республикан бера бокъонаш лораеча викала Чахкенаькъан Заремас.
Цу лоархӀамеча балха дакъа лоацаш вар ГӀалгӀай Республикан вахара ганза даькъа кулгалхо Йовлой Хож-Ахьмада Зубейра, вахара дешашца ювзаеннача страховане ганза болх лелабеш вола цун гӀонча.
Дерригача хаттарашка ладийгӀачул тӀехьагӀа, кулгалхоша аьлар, уж кастлуш кхоачашдергда.
