Магасе болх чӀоагӀбергба, токацара хьал тоадеш
Магасе токацара хьал тоаде лерхӀаш ба, из дӀайовш хургйоацаш. Шахьара кулгалхочун декхараш кхоачашдеш вола Тиймарзанаькъан Мусас балха совещани дӀайихьар Магаса РЭС кулгалхочун гӀончаца Олиганаькъан И., иштта «Магас-Шахьара электросетий» МКУ кулгалхочунца Саганаькъан Х., яхаш, дийцар «Сердало» газетага шахьара мэре.
Керттера дийца дош дар шахьара электросеташ тешшаме хилийтар. Терко тӀаяхийтар №9, иштта №15 фидераш тӀа долча доакъошта, цига тӀехьарча хана авареш дукхагӀа хул.
Керттера декхар - токацара хьал тоадар, наьха цунца ювзаенна таронаш дикагӀа хилийтар», - аьлар Тиймарзанаькъан Мусас. Кхетаче, цунна чуйоагӀача организацей кулгалхошта тӀадиллар кхоачамбоацараш юкъера дӀадахарга дӀадодаш дар дагар а дийя, отчет оттаяр. Иштта тӀадиллар лакха балха говзал йола цу гӀулакха юкъеозар. Шахьара администраце из хаттар кхоачашдар ший теркаме ийцар.
