ВӀаштӀара даьча цӀагӀа чудаьнна хий арадаьккхар Магасе
03.04.2025 11:49
Малсаганаькъан цӀерах болча урама № 34 йолча цӀен подвалашка хий чудаьнна, хатар хилар Магасе. Шахьара Кхела депутат волча Дарсиганаькъан Хаваж-Бахьаудинага из гӀулакх меттадоаладеш гӀо де, аьнна, дехар дир бахархоша. Из хоам «Сердалога» бир цу моттигера.
«Хатар хиннача моттиге хьатӀавийхар Магасерча МКУ ЖКХ кулгалхочун декхараш кхоачашду ГӀазданаькъан Адам. Цу оагӀонцарча болхлоша белгалдечох, начӀас дӀаухача турбашта боаггӀача боараме доал цадарах хьахинна хӀама да из», - йоах хоамо.
Сиха оарцагӀбаьхкача болхлоша кхоачамбоацараш юстардаьхар. Из тайпара хӀама хьалха а бахархоша дехар даь меттадоаладир шахьаре. Цига бахача нахаца из гӀулакх мишта лораде деза хьалхадоаккхаш, къамаьл дир гулбеннараша.
