Хьалхагӏа полице болх баьча сага дов даьрашта духьала, гӏулакх хьадийллад Магасе
11.09.2025 11:36
МВД болх беш хиннача сага дов даьча зуламхошта духьала гӏулакх хьадийллад Магасерча ӏаьдала болхлоша. Из хоам «Сердалога» бир МВД.
Тохкама комитете белгалдечох, Гаьгенаькъан Б.цӏерах болча ураме хиннад из во гӏулакх. Полице болх беш хиннача сага духьала травматически оалача тепчаца дов де эттав мехкахо. Дегӏа кхераме йола човнаш ца хулаш, висав из, Даьла къахетамца.
«Тохкама болхлоша белгалдечох, хьалхагӏа цо МВД баьча балхаца бувзам болаш да дов. РФ УК 318 статьях гӏулакх хьадийллад ӏаьдала болхлочун герз дийттарашта духьала», - йоах тхога кхаьчача хоамо. Из гӏулакх дӏахо тохкаш ба мехка.
