Магасе хьадийллар, бокъонаш телхаеш, газ чуйилларах дола уголовни гӏулакх
Гӏалгӏайчен столицерча бокъонаш лораераша гучадаьккхар, газ чуйиллара даькъ тӏа нийсденна кхоачамбоацар. Магас-Шахьаре гӏолла йолча Россе МВД полице отделене викала зийра, Заьзганаькъан И. цӏерагӏча проспекте, бокъонашца доагӏаш доацаш, газ хьачуйилла цхьа цӏа.
«Бокъонаш телха яьр хилар 1991 шера ваь моттигера вахархо. Белгалде деза, хьалха цу сага цу тайпара хӏама дарах, из бехктокхаме эза хилар. Тӏахьожама болх дӏабихьачул тӏехьагӏа, цу сага шозлагӏа а шийгара бокъонах доацаш газ хьачу а йилла, из къайлагӏа лелаеш хиннай. Тохкама болх дӏабихьачул тӏехьагӏа, Магас шахьаре гӏолла йолча Россе МВД отделене лоткъам эцача тоабо хьадийллар бокъонаш телхаяьча сага духьала Россе Уголовни кодекса 1 даькъа 215.3 статьяна чудоагӏа гӏулакх.
Республикан бокъонаш лораераша белгалду, сага шийгара, ӏаьдала бокъонах доацаш, газ чуйиллар уголовни гӏулакх лоархӏаш долга. Уж санна йолча моттигаша сага могашала а вахара а кхераме хьал хьакхолл.
