Магасе кхалсаг лаьцар, пхьарсах йоаллаю дошо зӀы лочкъаярах
07.05.2025 16:24
ГӏалгӀайчен Магасе полице зуламца дувзаденна гӀулакх хьадийллар Шолже яхача 26 шу даьннача кхалсага духьала, цо къоал даь хиларах дегабуам беш. ГӏалгӀай мехка гӀолла йолча МВД баьча хоамах, цу кхалсага хьалхагӀа а къоал дарах суд яьяр, из юха а цу тайпарча новкъа яьннай.
Бокъонаш лораераша яхачох, тӀадилла 45 эзар сом деха пхьарсах йоаллаю зӀы ийцай цо. Из юхаехкай кхыча сагага, цох хьаийца ахча шийна эшача дӀадахийтад.
Полице сиха хьалехар къоал даьр, цо из ма дарра хьадийцад. Хӏанз цунна духьала зуламца дувзаденна гӀулакх хьадийллад, бокъонаш лораераша бегаш беш оалаш ма хиллара, дошо зӀы хувца мегаш я набахтен «аьшкан» гӀозарца.
