Гуйранарча проектий ишкола болх чакхбаьлар Магасерча технопарке
«Кванториум» яхача гуйранарча проектни ишколо ший болх чакхбаьккхар. Из хоам «Сердалога» бир цу моттигера.
«Ардара бетта 27-ча денгара 31-ча денга кхаччалца йолча хана, ворхӏ оагӏонцара шоай кхетам гойташ хилар тайп-тайпарча моттигашкара дешархой. Робоквантумах болх дӏахьош робот-официант, малхацарча батареяшца болх бер, экскурсовод, датчикаш латта протез–робокулгаш кхеллар цар. Энерджиквантума кружоке бераша вӏашагӏъеллар беззаш бола хаоттам вӏаштӏехьабоаккхаш йола «Хьаькъал дола теплица». Иштта дешархоша къахьийгар, массадолча наькъашка гӏолла чакхйоалаш йола машин хьаеш. Аэроквантум яхача оагӏонга гӏолла ше-ше гӏетташ долча гӏирсашта доагор лоаттаду дрон вӏашагӏъеллар. Scratch-ра лакха начӏал долча программиста «Танчики» яха ловзар гойтар, графически дизайнаца къахьегараша дӏахо хургйолча проекташта никъ биллар.
Цу гӏулакха хьалхаэттараша белгалдечох, бераша чӏоагӏа къахьийгар тайп-тайпарча оагӏонцара начӏал гучадоаккхаш, пайдане хургдараш хьакхолла гӏерташ.
