Базорканаькъан Идриса цӀерах бола урам тоабеш боахк МагӀалбике
21.05.2024 15:16
![](http://serdalo.ru/storage/3zhAM0jaKoLLVjwYZ8gmNNB9kWXYav62mXrcCggh.webp)
МагӀалбикера Базорканаькъан Идриса цӀи лелаю урам тоабе арабаьннаб болхлой. Шахьара ганзера хьакъоастадаьча рузкъах, дӀахьош ба из беркате болх.
«Машинаш Ӏоувттаергйола доазув тоадеш, боахк болхлой карарча хана. Эшаш йоаца гаьнаш дӀатедаш, керда хувцамаш деш, куц эргадоаккхаш латт керттерча урама», - дийцар тха «Сердалога» шахьарерча администраце.
Из урам шахьаре керттерчарех лоархӀаш ба. Бахархой, иштта хьаьший бӀарг хьоастаргболча тайпара; хоза тоае лерхӀ из моттиг.