МагӀалбикера нах дукхагӀа тӀалатта цхьаькха моттиг тоаеш латт
МагӀалбик-Шахьаре Панфилов Ивана цӀерагӀа урам тоабе болабаьб. Из тоабара тӀехьа дукхагӀа кхадж тессаб шахьара бахархоша. Из тоабеш ба «Вахар, шахьара хьал» яхача къаман проектага гӀолла.
«Цу доазон тӀа кастлуш хургда сердал тела керда гӀирсаш, тоабаь машиний никъ, иштта гӀашлой никъ.
Юкъара моттигаш тоаяро таро хулийт МагӀалбика бахархой вахара хьалаш дикагӀа де; шахьар бӀарг тӀаотташ хоза, хьаьший безам тӀабодаш хилийта. Царех хӀара проект тха теркама юкъе я», - аьлар «Сердало» газетага шахьара администраце кулгалхочо Галай Мусас.
«Фусам, шахьара хьал» яхача къаман проекто, сага вахара хьалаш тоадара дола лоархӀаме декхараш кхоачашду.
Цу проекта чудоагӀа керда юкъарлон моттигаш хьаеллар, тоаяр, сийрдаяхар, экологе хьал. Хозача шахьара хьало дегӀайоалаю экономика, наьха вахара дакъа, гӀалийхий вахара хьалаш лакхду.
