МагIалбике хьаелла кийча я, 80 моттиг йола берий беш
МагIалбик-Шахьаре хьаелла кийча я, 80 моттиг йола берий беш, М. Ю. Лермонтова цIерагIча урам тIа я из. Шахьаре чIоагIа эшаш хинна гIишло хьалйир, «ДегIаахар» яхача къаман проектага гIолла, бераш долча дезалий юкъара вахара хьалаш тоаде лаьрхIа я из. ГIишло хьалъяра контракт дика кхоачашйир моттигерча «Маяк» ООО гIишлонхоша.
«Шозза вIаштIара яьча берий беша гIишлон чу я массехк группан фусамаш, хIараяр 20 сага лаьрхIа я. Из хьалъяро таро хулийтаргья МагIалбика бахархошта балха баха а, шоашта ловш дола вахарера гIулакхаш кхоачашде а. Цар берашта дикал лакха йола кхетам лургба, деша даха ха йоацача берий моттиге», - аьлар «Сердало» газетага шахьара администраце.
Берий беш Iалашъяьй эшаш болча чурча гIирсаца; берашта хоза, сапаргIата салаIа моттиг я. Цул совгIа, дукха кхыйола дешара, ловзара таронаш я, спортаца ювзаенна ха дIаяхьа моттиг я, берий могашалга хьожача лорий кабинеташ я. ГIишлонал арахьара моттиг а кийчъяьй, берий ловзарашта лаьрхIа. Керда берий беш зIамигачар дика унахцIено хилийтара, уж иразе кхувш доагIаш хилийтара лаьрхIа хьалъяьй.
